SAMAÍN: O GRAN LIBRO DOS MEDOS DO RATO PEQUENO

Hoxe celebramos o Samaín no cole. Houbo exposición e concurso de monstros, tamén houbo xogos divertidísimos e dúas cancións para animar a festa, cun magnífico mestre de cerimonias que foi o profe Michel.

A nivel de aula houbo dúas actividades que quería resaltar.

A primeira que estes días estivemos escoitando a canción do Samaín de Paco Nogueiras

Aquí vos queda a canción por se a queredes escoitar :

              

E por outra banda contamos O GRAN LIBRO DOS MEDOS DO RATO PEQUENO.

No que o ratiño nos vai contando todas as cousas que lle asustan, lle dan medo ou lle producen desacougo. 

Se queredes saber algo máis deste magnífico conto a nivel de texto e ilustración premede aquí.

Fonte: editorial  PATASdePeixe

24 DE OUTUBRO: DÍA DAS BIBLIOTECAS ESCOLARES.

Onte no comedor tivemos unha festa "preinaugural" da nosa Biblioteca Escolar. O alumnado dos cursos máis altos preparou contos ou representacións teatrais para deleitarnos ó resto da escola.

Hoxe é o día das Bibliotecas Escolares, e ademais dunhas caixiñas con contos relacionados co Samaín, tamén imos ir á biblioteca do cole para que nos expliquen un pouco o funcionamento da mesma, e os libros que os nenos e nenas de ED. Infantil podemos coller.

Bo día das bibliotecas escolares!!!

Aquí vos queda o enlace ó vídeo que subiron ó facebook do centro co que fixemos o día 24 . Premede aquí 

DINOSAURIO BELISARIO

A pasada semana contamos na clase dúas veces este conto da Editorial Kalandraka. 

Na páxina da editorial atopamos esta pequeno " resumo" do libro:

     "Belisario era un feroz dinosaurio verde, brando, gordo, enorme, e vestía un uniforme gris-marrón de militar que usaba para mandar.    

Belisario era o terror en todo o mundo arredor." 

Fonte da imaxe: http://www.kalandraka.com/ga

Resumindo:   Belisario era un "mandarica" que se portaba mal con todos os animais e facíalles  trasnadas...  Cría que era o máis poderoso do mundo... 

E chegou o día en que os animais se fartaron e decidiron non xogar con el ó parchis ( a Belisario encántalle xogar ó parchis)

A partir deste libro traballamos o feito de que non podemos impoñer ós demais o que nós queremos, ( hai que dialogar sempre)  e ademais hai que tratar ós demais con respecto para que nos traten a nós igual...

De como nos sentimos cando alguén non nos trata ben ou quere que fagamos algo que non nos gusta, e que da igual ser o máis poderoso do mundo, que se te portas mal cos demais... chegará o momento no que ninguén vai querer xogar contigo...

Se queredes saber algo máis sobre este conto en verso , premede aquí en FICHA TÉCNICA DO LIBRO .

A VENDIMA

A imaxe é do debuxante e caricaturista Luis Dávila. 

Chegou o outono, e entre os froitos do outono atopamos as uvas.

No comedor do noso colexio xa comemos uvas de sobremesa nalgunha ocasión.

Hai un vídeo marabilloso que se pode ver no MUSEO DO VIÑO da D.O Campo de Borja,
 sobre todo o proceso da vendima e fabricación do viño.

A protagonistaé unha uva do tipo  garnacha, chamada "Garnachica".

Acó vos queda o vídeo.