CONTOS QUE CONTAN: " ADIVINA CUANTO TE QUIERO "

 Outro dos contos da nosa hora de ler, que lles gustou moito ( aínda que algúns xa o coñecían)  é Adivina cuanto te quiero ( premede se queredes ver a ficha técnica do libro) publicado pola editorial KÓKINOS

Despois de contalo , falamos sobre o "querer", quen nos quere, a quen queremos, canto queremos, se nos gustan os "mimos" ou non.. e saíron cousas moi interesantes.

Aquí vos queda o conto narrado por se o queredes ver con eles na casa.

CONTOS QUE CONTAN: " O GATO LAMBÓN"

  Este é outro dos contos protagonistas da nosa "hora de ler"  .

"O gato lambón" é un libro de Oliveiro Dumas, publicado por Kalandraka .

Cóntanos a historia dun gato , moi moi moi lambón que come todo o que atopa no seu camiño.

É un conto "sumativo", no que se van encadeando as distintas persoaxes da historia.

E agora que estás aquí.. voute comer a tiiiii!!!!!!!

Deixámosvos unha adaptación do conto que fixeron no Cole de Cea.

CONTOS QUE CONTAN: "LA VACA QUE SUBIÓ A UN ÁRBOL"

 Antes de comezar co conto, todos e todas dixeron... que nunca viran unha vaca nunha árbore... que como ía subir, que as patas non se dobran.... e un montón de cousas máis.

Este conto de Genma Merino, publicado por PICARONA  gustoulles moitíiiiiiiismo.

Conta a historia dunha vaca, Tina, que non é coma as demais, que lle gusta investigar, explorar e descubrir cousas novas... e de como conseguir as cousas que te propós...

CONTOS QUE CONTAN... " EL BURRITO VERDE"

Este foi o conto co que inauguramos a "hora de ler" deste curso...

Cóntanos a historia dun "burrito" ó que so lle gusta comer herba... e tanta herba comeu... que...

Con este conto ademais de traballar as cores, e os distintos tipos de alimentos, tamén podemos traballar con eles e elas o importante que é ter unha alimentación variada...

Este conto gustoulle tanto á profe de Inglés , que tamén ela o traballou co alumnado.

Deixámosvos a ficha técnica deste conto:

"EL BURRITO VERDE" de Anuska Allepuz, publicado por Andana Editorial.

Con motivo da celebración do día do LIBRO o próximo día 23 de ABRIL , dende o equipo de Biblioteca do cole, queremos propoñervos unha actividade para que participedes todos e todas:  profesorado, alumnado e familias. 

Podedes ser creativos/as e botarlle imaxinación e o formato que queirades, ou se preferides, adxuntamos dous modelos :

 Un para ED. INFANTIL e 1º e 2º de Primaria:  premede  AQUÍ!

Outro para 3º, 4º, 5, 6º e adultos: premede AQUÍ! 

Animádevos a participar. Tedes ata o día 23 de abril. GRAZAS!!!!!

PREPARANDO O NADAL: CANDO MARTIÑO TIVO GANAS DE MEXAR NA NOITE DE REIS

Estase achegando o Nadal, esta semana estivemos falando sobre iso, e sobre o que lle imos pedir ós Reis, a Papá Noel ou ó Apalpador.   E non faltaron panxoliñas  e bailes...

Falamos tamén da decoración de Nadal, e dunha das cores máis importantes nestas datas:

  O VERMELLO.   ( Pintamos unha bóla de Nadal desa cor, con pintura de dedos) 

De todos os contos con temática de Nadal, traballamos específicamente este:

  " Cando Martiño tivo ganas de mexar na noite de Reis" 

Fonte da imaxe: www.kalandraka.com

E miramos varias veces este vídeo sobre o conto que elaboraron no CEIP Coirón Dena :

          

AS CORES DO OUTONO: COCORICO. AMARELO

Seguimos traballando as cores do outono. Desta volta comezamos a falar do amarelo. E para introducir a cor, nada mellor que ver o conto de COCORICO

O venres comezamos a ver esta historia , pero non nos deu tempo de rematala...

E tamén escoitaremos a canción do conto!!!!! 

A nosa versión de "Cocorico"

CORES DO OUTONO: CHOCOLATA

Aproxímase o magosto, tempo de castañas... que son marróns.. unha das cores do outono.

Esta semana imos traballar un pouco sobre a cor marrón, sobre o magosto, as castañas, as follas... e hoxe para introducirnos na materia miramos o conto de CHOCOLATA , unha hipopótama grande e de cor  marrón á que lle apeteceu ir dar un paseo pola cidade xa que descubriu que hai unha casa de baño que pode estar moi ben... ou iso cre ela...

E acó vos queda a canción do conto: 

SAMAÍN: CORRE CORRE , CABACIÑA

Onte visionamos o vídeo deste conto. Xa que era o día do Samaín e ademais estamos traballando a cor laranxa, os froitos do outono, e en especial as cabazas.

O conto de "Corre corre, Cabaciña" (premede no título  se queredes ver a ficha técnica) é moi axeitado e divertido para estas datas e para ED. INFANTIL.

Aquí vos queda o enlace o conto por se o queredes ver na casa con eles e elas outra vez:

                  

Tamén vos deixo a canción do conto:

                

SAMAÍN: O GRAN LIBRO DOS MEDOS DO RATO PEQUENO

Hoxe celebramos o Samaín no cole. Houbo exposición e concurso de monstros, tamén houbo xogos divertidísimos e dúas cancións para animar a festa, cun magnífico mestre de cerimonias que foi o profe Michel.

A nivel de aula houbo dúas actividades que quería resaltar.

A primeira que estes días estivemos escoitando a canción do Samaín de Paco Nogueiras

Aquí vos queda a canción por se a queredes escoitar :

              

E por outra banda contamos O GRAN LIBRO DOS MEDOS DO RATO PEQUENO.

No que o ratiño nos vai contando todas as cousas que lle asustan, lle dan medo ou lle producen desacougo. 

Se queredes saber algo máis deste magnífico conto a nivel de texto e ilustración premede aquí.

Fonte: editorial  PATASdePeixe

DINOSAURIO BELISARIO

A pasada semana contamos na clase dúas veces este conto da Editorial Kalandraka. 

Na páxina da editorial atopamos esta pequeno " resumo" do libro:

     "Belisario era un feroz dinosaurio verde, brando, gordo, enorme, e vestía un uniforme gris-marrón de militar que usaba para mandar.    

Belisario era o terror en todo o mundo arredor." 

Fonte da imaxe: http://www.kalandraka.com/ga

Resumindo:   Belisario era un "mandarica" que se portaba mal con todos os animais e facíalles  trasnadas...  Cría que era o máis poderoso do mundo... 

E chegou o día en que os animais se fartaron e decidiron non xogar con el ó parchis ( a Belisario encántalle xogar ó parchis)

A partir deste libro traballamos o feito de que non podemos impoñer ós demais o que nós queremos, ( hai que dialogar sempre)  e ademais hai que tratar ós demais con respecto para que nos traten a nós igual...

De como nos sentimos cando alguén non nos trata ben ou quere que fagamos algo que non nos gusta, e que da igual ser o máis poderoso do mundo, que se te portas mal cos demais... chegará o momento no que ninguén vai querer xogar contigo...

Se queredes saber algo máis sobre este conto en verso , premede aquí en FICHA TÉCNICA DO LIBRO .