sábado, 30 de xaneiro de 2021

Aprendendo sobre o Universo


O primeiro foi ver un pouco o que xa sabíamos, e despois averiguar cales eran as nosas curiosidades.

A temática é moi extensa, polo que nos centramos especialmente no SISTEMA SOLAR

Tamén falamos da vía láctea, dos satélites artificiais e naturais , os robots que recollen mostras, astronautas... 

Estamos facendo fichas relacionadas coa materia, para reforzar o que imos aprendendo. E deixar voar a nosa imaxinación....

Ademais como nos gusta moito a música, xa temos a canción do noso proxecto:
 TELESCOPIO HUBBLE do grupo Lori Meyers 


                          

Algúns dos libros da biblioteca do cole , da sección de "consulta" foron para a nosa aula, para seguir investigando... 

Na "hora de ler"  esta semana afondamos no conto "Caer de cu polo Universo" de Apiario

Aquí vos quedan algúns dos vídeos que miramos na aula:

Un paseo polo Sistema Solar, con características de cada un dos planetas, gustoulles moito (vímolo en varias sesións, porque é un pouco longo) : 





Este da mesma temática pero moito máis curto:




O universo:



Outro dos temas que tratamos, foi o dos satélites: tanto naturais ( a lúa) ou artificiais ( que nos axudan a obter informacíon e fotografías sobre o espazo exterior)


                            

Aínda nos quedan algunhas dúbidas por resolver, e para a semana imos traballar co globo terráqueo para entender mellor qué da lugar ao día e á noite, porque todos sabemos que o SOL é unha estrela, que alumea, pero non se move. Movémonos nós!!!!!!!

SEGUIREMOS INFORMANDO. 

xoves, 26 de novembro de 2020

MES DA CIENCIA EN GALEGO: ÁNGELA RUIZ ROBLES.

 Novembro é o mes da CIENCIA EN GALEGO,  a nivel centro e dende a biblioteca propúxose unha actividade de INVESTIGACIÓN (premede na palabra se queredes ter máis información) 


Na nosa clase a persoa seleccionada foi ÁNGELA RUIZ ROBLES.

O primeiro que fixemos foi buscar imaxes dela, para que se fixeran unha idea de como era, falamos de que viviu hai xa moito tempo, de feito naceu en 1895.

Unha vez consultadas varias páxinas como foi a Galipedia, e a páxina de MUJERES CON CIENCIA , obtivemos os primeiros datos e información sobre ela.


Por outra banda no libro, "Pioneiras galegas que abriron camiño, 2", tamén se recolle información sobre ela e unha "caricatura".Publicado por Xerais. 


Aprendemos cousas dela coma que: naceu na provincia de León, pero pasou a maior parte da súa vida en Ferrol ( na provincia da Coruña), que foi mestra, e que estaba preocupada polo peso que o seu alumnado levaba nas mochilas, polo que decidiu facilitarlles o traballo..

Tamén foi unha muller un tanto "revolucionaria" no seu tempo, xa que daquela o papel da muller non era o que é agora, e con todo isto, escritora, e o que nos trae hoxe aquí: INVENTORA.

Inventou e patentou o que sería o prototipo do que hoxe coñecemos como "e-book" ou libro dixital.

Con forma de maleta, no que se podían intercambiar os contidos.

Aquí tedes unha fotografía de Ángela co seu invento máis coñecido:

Fonte: mujeres con ciencia.

Fonte: mujeres con ciencia

  

CON CIENCIA: RTVE 


sábado, 21 de novembro de 2020

CONTOS QUE CONTAN: " ADIVINA CUANTO TE QUIERO "

 Outro dos contos da nosa hora de ler, que lles gustou moito ( aínda que algúns xa o coñecían)  é Adivina cuanto te quiero ( premede se queredes ver a ficha técnica do libro) publicado pola editorial KÓKINOS


Despois de contalo , falamos sobre o "querer", quen nos quere, a quen queremos, canto queremos, se nos gustan os "mimos" ou non.. e saíron cousas moi interesantes.

Aquí vos queda o conto narrado por se o queredes ver con eles na casa.


domingo, 8 de novembro de 2020

OS AMIGOS DO 10

 Estes días en matemáticas ( ABN) estamos traballando " os amigos do 10", este  breve conto "rimado" resulta moi ilustrativo sobre o tema:


A idea é traballar as distintas formas de combinar 2 números para que sumen 10, senon non poden ir á festa. (1 e 9, 2 e 8, 3 e 7, 4 e 6, 5 e 5, 10 e 0) 

Como somos uns grandes recolectores de "landras" das que hai no patio, tiñamos un montón para practicar, asique cada quen colleu 10 landras ( e contou que fosen 10)

E despois pedinlles que fixesen 2 grupos co mesmo número ( reparatir para 5 e 5), e que puxesen 6 nun grupo a ver cantas quedaban no outro ( 6+4), e así fosen observando os xeitos de agrupar 2 cantidades para chegar a dez.

Aquí vos quedan unhas poucas fotos, do concentrados e concentradas que estaban. 

      



Posteriormente fixeron agrupacións libres, e houbo quen fixo 5 grupos de 2 landras.... 

E para finalizar a sesión,  fixemos unha ficha para afianzar os coñecementos adquiridos.
 Que a maioría resolveu sen ningún tipo de dificultade.

E agora que xa teñen clarísimo que o signo (+) é para xuntar, unir, despois de traballar cos LEDS.. xa son uns expertos e expertas en sumar!!!!!

A miña recomendación: seguide practicando na casa, podedes usar 10  lentellas, garavanzos, ou mesmo fabas , que manipulen e practiquen , é o mellor xeito de entender as cousas... 

A evolución desta actividade, interiorizados os "amigos do 10" sería buscar outros agrupamentos que tamén sumen 10.






domingo, 25 de outubro de 2020

CODE WEEK: XOGANDO COS LEDS EN EDUCACIÓN INFANTIL







 Nestas datas celébrase a semana da programación, unha escolma de actividades relacionadas coa programación ( robótica, STEAM, scratch, actividades desconectadas..) compoñen un mapa por toda Europa.

Alumnado de todas as idades e diferentes países conflúe nestas datas ( e posteriores) nun mapa de actividades.

Na clase de 5 anos tamén participamos, con dúas actividades, unha que xa estamos desenvolvendo: "Xogando cos LEDs en ED. Infantil" (se premedes poderedes ver a nosa actividade no mapa)

E outra relacionada coa robótica e os escornabots, que desenvolveremos posteriormente.


Coa actividade "xogando cos LEDs en ED. Infantil" pretendemos que o alumnado se familiarice con este material, entenda como acender un led cunha pila de botón ( esta parte potencia a súa motricidade fina, e ademais encantoulles) e por outra banda introducimos o concepto positivo ( +) e negativo(-)


Encantoulles poder acender eles sos un led, e alumar...



      


Para que o a enerxía flúa precisamos que todo estea colocado correctamente, o positivo
 co positivo(+)  e o negativo o negativo (-).

Despois de iniciarnos , fixemos un pequeno circuito con fío de cobre para que entenderan que é coma a luz da aula, que se acende e se apaga co interruptor, que fai que a electricidade flúa ata o seu destino.





Foi unha actividade totalmente gratificante para eles e elas. Traballamos a atención, a motricidade fina, razoamento lóxico... 

Ademais na casa, tamén houbo quen elaborou o seu propio circuito para acender unha bombilla e tróuxoo á clase para ensinarnos e explicarnos como o fixo con axuda de papá!! .



Seguiremos informando!!





mércores, 14 de outubro de 2020

Estamos no outono..

Aquí vos queda un dos vídeos que máis nos gusta mirar no outono..



E tamén dúas das cancións relacionadas coa estación na que estamos, que escoitamos en clase:


O OUTONO XA SE ACERCA 




O OUTONO- UXÍA LAMBONA E A BANDA MOLONA 


sábado, 10 de outubro de 2020

CONTOS QUE CONTAN: " O GATO LAMBÓN"

  Este é outro dos contos protagonistas da nosa "hora de ler"  .

"O gato lambón" é un libro de Oliveiro Dumas, publicado por Kalandraka .

Cóntanos a historia dun gato , moi moi moi lambón que come todo o que atopa no seu camiño.

É un conto "sumativo", no que se van encadeando as distintas persoaxes da historia.

E agora que estás aquí.. voute comer a tiiiii!!!!!!!

Deixámosvos unha adaptación do conto que fixeron no Cole de Cea.


mércores, 7 de outubro de 2020

CONTOS QUE CONTAN: "LA VACA QUE SUBIÓ A UN ÁRBOL"

 Antes de comezar co conto, todos e todas dixeron... que nunca viran unha vaca nunha árbore... que como ía subir, que as patas non se dobran.... e un montón de cousas máis.


Este conto de Genma Merino, publicado por PICARONA  gustoulles moitíiiiiiiismo.

Conta a historia dunha vaca, Tina, que non é coma as demais, que lle gusta investigar, explorar e descubrir cousas novas... e de como conseguir as cousas que te propós...