A MOVERNOS UN POUQUIÑO!!

Dende o equipo de ED. Infantil, a profe Marta (profe de Psicomotricidade para todo o ciclo) elaborou esta pequena escolma de vídeos con actividades de movemento para o alumnado.

Tedes que premer no seguinte texto, que vos levará a recopilación, na que terdes que premer nos debuxos para que vos leve ás actividades.

 ↓↓↓↓↓↓↓↓↓

A MOVERNOS UN POUQUIÑO!!

RECOMENDACIÓNS PARA EDUCACIÓN INFANTIL.

REPASANDO O ABECEDARIO...

Este curso,  ademais de coñecer as letras dos nosos nomes,  estamos coñecendo outras letras coma
as dos días da semana, ou do vocabulario que estamos traballando...
( Especialmente dos Superheroes!!!!) 

Polo de agora estamos achegándonos ás letras  so en maiúscula,  para poder asociar as letras ós sons
( conciencia fonolóxica) na aula traballamos coas palabras relacionadas cos contidos que estamos a traballar.

Esta canción do Abecedario, gústanos moooito.

Déixovos un conto  , narrado pola fantástica contadora  Beatriz Montero no que hai animais

 para todas as letras, e rimas para todos os animais...

Para practicar podedes escribir os vosos nomes, e que vos axuden cos do resto da familia, buscar palabras que empecen pola inicial do voso nome, copiar algunha palabra, con axuda, ou escribir os nomes das cousas que tedes ó voso redor, facer listas de palabras que comecen por algunha letra ...

Premede na imaxe para poder ir ós distintos xogos do ABECEDARIO 

( a maioría están en "html" polo que seguramente dende un teléfono móbil non se poidan utilizar, recomendables dende un PC , portátil ou tablet)

E xa sabedes, con todas as cousas que tedes a man podedes aprender e repasar!!! 

8M: Contacontos con Uxía González Moran

O pasado xoves,   Uxía González Morán achegouse ó noso centro para celebrar con nós o 8M: Día Internacional da Muller.


Dividimos ó alumnado en tres grupos, e para o de ED. Infantil a actividade foi  a través do mundo máxico dos contos.



Esta actividade foi organizada pola Mancomunidade de Concellos do Carballiño.



Así os máis pequenos do centro desfrutaron de 3 contos marabillosos, fantasticamente narrados por Uxía.

(Premede nas imaxes, se queredes coñecer a "ficha técnica de cada un deles)

                         

E aquí vos quedan unhas poucas fotos do momento. Encantoulles!!!!

Traballamos os números ata o 10

       Aquí vos quedan unha serie de recursos e recomendacións para seguir traballando sobre o tema: A pasada semana aprendemos a xogar  "ó cinquillo",  xa que é un xeito moi divertido de organizarse, e contar os números do 1 ó 10, dende o 5 ( regresivo e progresivo)

Se tedes unha baralla de cartas na casa ( aínda que non sexa xigante coma a que temos en clase) podedes botar unhas partidiñas con eles, para que practiquen.

Tamén podedes contar cantidades de cousas, e despois repartilas en partes iguais entre dous ou ters ( que dean xusto sempre), agrupar fabas, e despois repartilas, pedirlles que conten unha cantidade e despois asocien á grafía, que practiquen escribindo números, podedes facer un bingo cos números ata o 10, o que se vos ocorra...

Tamén vos deixo o enlace a cancións relacionadas con números: dende o 0 ata o 10 premede en : CANCIÓNS DOS NÚMEROS 

Déixovos tamén un par de xogos para practicar numeración , grafía e cantidade:

Premede na imaxe para ir ó xogo

Agardo que vos sexan útiles, tamén podedes escribirlles os números ata os 10 e que os copien para traballar a grafía, botádelle imaxinación.

ANIVERSARIOS DE DECEMBRO/XANEIRO/FEBREIRO

O pasado venres día 28 celebramos os aniversarios correspondentes ós meses de : decembro, xaneiro e febreiro.

 Desta volta os homenaxeados foron: Alejandro, Asier e Tania.

 Fixeron unha tarta que estaba riquísima. E os seus compañeiros/as decoraron as coroas que levaron ese día.  

Ademais fixéronlle un agasallo ó resto dos nenos e nenas da clase que lles encantou!!!!!!!! 

 Aquí tedes unhas poucas fotografías do momento, para que vexades o concentrados que estaban na elaboración da tarta. Moitos parabéns para Alejandro, Asier e Tania, que xa teñen 5 anos!!!